Erraldoiketa

Euskal Herriko erraldoi, buruhandi eta izaki mitologikoen topaketa

ERRALDOIKETAINFO

OHARRA | Erraldoiketaren aurkezpena

07.08.2022

Erraldoiketaren aurkezpena egiteko lehenbiziko agerraldia egin genuen uztailaren 16an Arakaldoko jaietan.

ZOZKETA | Buruhandi baten zozketa egingo dugu uztailaren 2an, dagoeneko eskura daitezke txartelak

26.05.2022

Buruhandi bat zozketatuko dugu uztailaren 2an. Tartalo espumazko buruhandia izango da zozketagai eta lortutako irabaziak, Erraldoiketa finantzatzera bideratuko dira. Txartel bakoitza euro baten truke eskuratu ahal izango da.

Tweets by erraldoiketa

ZER DA ERRALDOIKETA?

Laudioko Sorginlarren elkarteko kideek eta beste hainbat norbanakok parte hartzen dute Euskal Herriko erraldoi, buruhandi eta izaki mitologikoen topaketaren antolakuntzan. Ekimenaren lehen edizioa, 2018ko abuztuaren 16an izan zen, Laudion. 2019. urtean data eta kokaleku berdina hartu zuen topaketak.

2022. urtean ekimenak aurrera urratsak ematen jarraitzeko asmoa du eta abuztuaren 26an, Laudion. Izaki mitologikoek Laudioko plaza eta kaleak astinduko dituzte, horrela, milaka irri eta kolorez jantziz. Galduko duzu? Gu dagoeneko lanean gara ekimenaren 3. edizioa aurrera atera ahal izateko, batu zaitez gure auzolanera, ederra izango da, ez dugu zalantzarik!

EKIMENAREN KUDEAKETA

AUZOLANA, ILUSIOA ETA AUTOGESTIOA

Auzolanaren bidez autogestionaturiko ekimena da erraldoiekta. Bi osagai hauek eta ilusioa dira ekimenaren errezetako osagai nagusiak. gaur egun arte bizirik mantentzeko beharrezkoak izan diren osagaiak. Erraldoiketaren antolakuntzan, 30 bolondresetik gora parte hartzen dute soilik topaketaren egunean bertan.

ERRALDOIKETAREN
HELBURUAK

Euskal mitologia plazaratzea
Euskara erraldoi eta buruhandien eremura hurbiltzea
Ekimen herrikoi eta parte hartzailea eraikitzea
Euskal Herriko erraldoi, buruhandi eta izaki mitologikoez osatutako taldeen arteko saretzea